”AGA SABAKNA NALOLAMPENNI PANNING E”
Makkokkoe
narapisi caritanna panning e. Iaro panning e, engkatoi mappabengnga mitai,
gangkanna biasai nala elong-kelong ananak e makkeda e, “Mappapussa panning e,
wennipi nalolang magai namabolong”.
Makkuai caritanna. Engka
naengka ri olo namammusuk manuk-manuk e sibawa
olokok e. ri wettu mammusuna ro, siselle-sellei pabeta siselle-sellei
ribeta.
Lari panning e muttamaki
sekdi olokolok sitongeng-tongenna mappunnai dua tanrang. Mappunnai tanrang
manuk-manuk nasabak weddingi luttuk. Narekko dek naluttu mappunnai toi seddi
tanrang olokolok, nasabak mattappa balaoi. Naia nakko pacauki manuk-manuk e,
napancaji manuk-manuki alena, nasabak
engka luttuk. Nakko naseddingi makkedae iasu i manuk-manuk e mappau i olokolok
e nasobbui panninna ri tana e pappada
balao. Jaji iaro panning e mau olokolok iarega manuk-manuk e, mapeddik
maneng atinna mitai. Nasabak degaga ada tongenna, dek gaga akkatenningenna.
Gangkanna paja musuk e
siadecengenni paimeng olokolok e sibawa manuk-manuk e. Na ia panninge lokkai
okko manuk-manuk e, na ajak mubati-batingi iatu, dek nattama okko wawatta. Iaro
pelloreng dek gaga akkatenningenna wettunna to pabeta mancaji manuk-manuk i,
wettunna ri beta mancajiwi balao.
Jaji lokkai okko olokolok
e, wawanna balao e. Makkedatosi wawanna olokolok e. ajak mubati-batingi. Tau
dek gaga akkaten-ningenna, pelloreng. Wettunna ribetaki mancaji manuk-manuk i,
wettunna pabeta eloksi mancaji balao. Ajak naengka bati-batingi.
Makkuniro namasirikna
panning e, masirik i okko manuk-manuk e, masirik toni okko padanna olokolok,
gangkanna masirikni lolang esso, tuli lolampenni mani. Jaji, makkoni ro
asabakenna nalolampenni panning e. To riassakkareng ri sibawanna. Riassakkareng
ekkoi manuk-manuk e, ri assakkareng to okko olokolok e.
